توركیا.. لافاو زیانی گیانی لێکەوتەوە

مه‌ره‌ش - AA

لە شاری مه‌ره‌ش لە ئاکامی بارینی باو بۆرانێکی بەهێز و دروست بوونی لافاو دایکێک و دوو منداڵ گیانیان لەدەستدا.

بەگوێرەی زانیارییەکان، دوای نیوەڕۆی ئەمڕۆ باو بۆرانێکی بەهێز باڵی بەسەر شاری مه‌ره‌ش داگرت و بەهۆیەوە لە چەند گەڕەکێکی ناوەندی شاری مه‌ره‌ش لافاو دروست بوو.

بەهۆی رووداوەکەش دایکێک و دوو منداڵ کە لەماڵەوە گیریان خواردبوو، بەهۆی لافاوەوە لەناو ماڵەکەی خۆیان ژێر ئاو کەوتن و گیانیان له‌دەستدا.

جگە لەمەش هەر بەهۆی لافاوەکەوە چەندین زیانی ماددی بەر شارەکە کەوت.