توركیا سیستەمی به‌رگری مووشه‌كی له‌ رووسیا ده‌كڕێت

ئه‌نقه‌ره‌ - AA

سه‌باره‌ت به‌ كۆبوونه‌وه‌كانی نێوان توركیا و رووسیا له‌باره‌ی سیستەمی به‌رگری مووشه‌كی ئاسمانی دوورهاوێژی S-400، وه‌زیری به‌رگری توركیا، فكری ئشك رایگه‌یاند: "كۆبوونه‌وه‌كان پێشڤەچوونیان به‌خۆوه‌ بینیوه‌، هه‌ر ئه‌وه‌یه‌ ئه‌مڕۆ نه‌گه‌یشتووینه‌ته‌ خاڵی واژووكردن، به‌ڵام كۆبوونه‌وه‌كان درێژه‌یان هه‌یه‌".

له‌ لێدوانێكیدا بۆ ئاژانسی ئانادۆڵو، ئشك ئاماژه‌ی به‌وه‌ كرد كه‌ كۆبوونه‌وه‌كان له‌باره‌ی كڕینی سیستەمی به‌رگری مووشه‌كی ئاسمانی دوورهاوێژی S-400 لە رووسیا درێژه‌ی هه‌یه‌.

گوتیشی: "كۆبوونه‌وه‌كان پێشڤەچوونیان به‌خۆوه‌ بینیوه‌، به‌ڵام هه‌ر ئه‌وه‌یه‌ ئه‌مڕۆ نه‌گه‌یشتووینه‌ته‌ خاڵی واژووكردن، به‌ڵام كۆبوونه‌وه‌كان درێژه‌یان هه‌یه‌".