بەشێک لەو پێکوتانەی تورکیا داوای کردبوون لە چین-ەوە گەیشتنە ئەنقەرە

ئەنقەرە - AA

تورکیا، داوای ١٠ ملیۆن ژەمە پێکوتی لە چین کردبوو، بەشێکی دیکە لە کاروانی دووەمی ئەو پێکوتانە گەیشتنە ئەنقەرە.

سەرلەبەیانی ئەمڕۆ پێکوتەکان لەڕێی فڕۆکەیەکی هێڵی تورکش ئەیرلاین لە پەکین-ی پایتەختی چین-ەوە هێندرانە شاری ئیستانبوڵ و دواتر بە فڕۆکەیەکی دیکە رەوانەی ئەنقەرە کران.

فڕۆکەکە کاتژمێر نۆی بەیانی گەیشتە ئەنقەرە و ئەو پێکوتانەی هێنابوونی لەڕێی ئۆتۆمبێلی تایبەتەوە گوازرانەوە بۆ کۆگای دەرمان و پێکوتی سەر بە وەزارەتی تەندروستی تورکیا.