بڕیاری دەستگیرکردن بۆ حەوت بەکارهێنەری بایلۆک

ئەنقەرە - AA

لە چوارچێوەی لێکۆڵینەوە لە فەتۆ، چوار کەس لەو حەوت گومانلێکراوەی بەکارهێنەری بایلۆک کە فەرمانی دەستبەسەرکردنیان هەبوو لە ئەنقەرە و ئیستانبوڵ دەستگیرکران.

سەرۆکایەتی داواکاری گشتیی کۆماریی لە ئەنقەرە، دەستی بە لێکۆڵینەوە کرد لە حەوت کەس بە تۆمەتی ئەوەی بەرنامەی نهێنیی پەیوەندییکردنی تایبەت بە رێکخراوی تیرۆریستیی، فەتۆ، بایلۆک-یان بەکارهێناوە.

لەو چوارچێوەیەشدا تیمەکانی بەڕێوەبەرایەتی ئاسایش لەو ئۆپەراسیۆنانەی لە ئەنقەرە و ئیستانبوڵ ئەنجامیاندا چوار لەو گومانلێکراوانەیان دەستگیرکرد کە فەرمانی دەستبەسەرکردنیان بۆ دەرکرابوو.

هەوڵەکان بە مەبەستی دەستگیرکردنی گومانلێکراوەکانی دیکە، درێژەی هەیە.