بڕیاری دەستگیر کردن بۆ هاکان شکور و باوکی دەرچوو

بە گوێرەی زانیارییەکان، داواکاری گشتی ساکاریا، لە چوارچێوەی لێکۆلینەوە لە کودەتا سەربازییەکەی تورکیا کە لەلایەن رێکخراوی تیرۆریستی فەتحوڵڵاچییەکان ئەنجام درا، بڕیاری دەستگیرکردن بۆ پەرلەمانتار و یاریزانی تۆپی پێی پیشوو هاکان شکور دەرکرد.

هاکان شکور کە لە ئێستادا لە دەرەوەی تورکیایە، بە تۆمەتی ئەندامبوون لە رێکخراوێکی تیرۆریستی چەکدار بڕیاری دەستگیرکردنی بۆ دەرکرا .

شکور پارساڵ لەگەڵ خانەوادەکەی تورکیایان بەجێهێشت. لەلایەکی دیکەش داواکاری گشتی ساکاریا بەهەمان شێوە بڕیاری دەستگیر کردنی بۆ باوکی هاکان شکور، سەلمەت شکور دەرکرد.