ئەردۆغان: ''پەکەکە و فەتۆ بەهاوبەشی کاردەکەن''

ئەنقەرە- AA
سەرکۆماری تورکیا، رەجەب تەیب ئەردۆغان رایگەیاند "ئەمانە (فەتۆ) ھاوبەشن لەگەڵ رێکخراوی تیرۆریستی پەکەکە، پێکەوە کار دەکەن. ئەمانە لەناو دەزگای ئاسایشی ئێمەدا ھەن؟ بەڵێ. لەناو ھێزە چەکدارەکانماندا ھەن؟ بەڵێ ھەن. ئەمانە کاری رێکخراوی تیرۆریستی ئاسان دەکەن، بەڵام رۆژ بەڕۆژ دەتوێنەوە، زیاتریش دەتوێنەوە".
رەجەب تەیب ئەردۆغان لە کۆشکی سەرۆکایەتی کۆمار گوتارێکی پێشکەش بە"دەستەی یەکێتیی لە دەزگای دادوەرییدا" کرد.
ئەردۆغان ئاماژەی بەوەکرد رێکخراوی تیرۆریستیی فەتحوڵڵاچی سوودی لەو پشتیوانییە وەرگرتووە کە لە دەزگای دادوەریی کراوە و رایگەیاند: ''ئەو پشتیوانییەی لە پێناو تورکیادا و لەبەرامبەر کودەتاچییەکاندا پێشکەشی دەزگای دادوەریمان کردووە، ئەم رێکخراوە (فەتۆ) بەمەبەستی رێگە خۆشکردن بۆ چەکدارەکانی خۆی بەکاریھێناوە. ئەم دۆخە تەنھا رێگەی لەبەردەم داگیرکاریی دامەزراوەکاندا نەکردووەتەوە، بەڵکو ھاوکات زیانی گەورەی لەخەبات و بەرەنگارییمان دژی کودەتاچییەکان داوە''.
گوتیشی: "چالاکیی رێکخراوێکی تیرۆرستی لە دادگایەک، دەریدەخات لێرەدا کێشەیەک ھەیە. لەبەرئەوە داڕشتنەوەی ئەرکەکانی یاسادانان، بەڕێوەبردن و دادگا بەتێگەیشتنێکی دیموکراسییەوە، زیان نییە بۆ تورکیا بەڵکو بەپێچەوانەوە دەستکەوتێکی گەورەیە".
ئەردۆ‌غان راشیگەیاند "لە رووداوەکانی ١٧-٢٥ی کانوونی یەکەمدا کەسانێک سووربوون لەسەر ئەوەی پرسەکە پەیوەست بکەن بەخودی منەوە، ئێستاش لەھەوڵدان. لەکاتێکدا ئۆپەراسیۆنی ١٧-٢٥ی کانوونی یەکەم ھەوڵێک بوو بۆ دەستبەسەرداگرتنی دەسەڵاتی دادوەری و تێیدا رێکخراوی (فەتۆ) خۆی ئاشکرا کرد".
جەختی لەوەشکردەوە کە ئەوان لەھیچ قۆناغێکی ژیانیاندا بە بڕیاری پێشوەختە مرۆڤەکانیان پۆلێن نەکردووە و رایگەیاند ''بەو جۆرە مامەڵەمان لەگەڵ نەکردووە. دەرگامان بۆ ھەموو ئەوانە کردووەتەوە کە رێزیان لە دەوڵەت و گەل و دامەزراوەی سیاسیی دیموکراسی گرتووە. ھەرگیز دادگامان رادەستی ھیچ گرووپێک نەکردووە. بەڵام بینیمان ئەم جیھانی زیھنیەتی فەتۆ و پێکھاتەکەیان بە بەکارھێنانی نیازپاکی، ئاویان بەژێر کا-دا بردووە و ھەوڵی کۆکردنەوەی ھێزی لە چەندین شوێن داوە".
سەرکۆماری تورکیا راشیگەیاند "لە ھاریکاری دەوڵەتدا پەتەرناش ھەیە. دەبێت ئەو پەتەرناشە نەھێڵین. دوو جەمسەری ئەمە درووست دەکات. لە رێگەی تێگەیشتنی پارتی بزووتنەوەی نەتەوەیی لەم دۆخە، توانراوە کە دەستورر بەپێی سیستەمی نوێ بگونجێندرێت و رێگەی بۆ خۆش بکرێت. من بەناوی خۆم و میللەتەکەمەوە سوپاسی تایبەتی سەرۆک و تیمی پارتی بزووتنەوەی نەتەوەیی دەکەم".
سەبارەت بەلێکۆڵینەوەکان لە فەتۆ رەجەب تەیب ئەردۆغان گوتی: ''ئەوانەی کە لەئێستادا دەستبەسەرن، ھەندێکیان زۆر باش دەناسم. بەناوی ئەو کەسانەی کە دانیان بەتاواندا ناوە ناودەبرێن. بەڵام ئەمانە راست ناڵێن. سەیر بکەن ئەمە بەڕوونی دەڵێم. ئەوانەی خۆیان وەک دان پێدانەری تاوان ئاشکرا دەکەن یارییەکی ھەڵخەڵەتێنەرانەی زۆر باش دەکەن. ئەوەشی کە زۆر مەترسیدارە ئەمەیە. چونکە لەگەڵ ژمارەیەک لەمانەدا من ئەو کاتەی سەۆرکوەزیران بووم کۆبوونەوەی دووقۆڵیم ھەبووە. ئەوەی کە ئێستا وەک دانپێدانان دەیڵێن و ئەوەی کە ئەو کاتەی سەرۆکوەزیران بووم پێیان دەگوتم ئاسمان و رێسمان نێوانیانە. پێویستە ھەرگیز بەمە ھەڵنەخەڵەتێین''.
دواتر گوتی: "تەسفیەکردنی فەتۆچییەکان، کارەکانی ئاسانتر و خێراتر کردووە و کەوتوونەتە سەر سکەی خۆیان. تا ئەمڕۆ ھیچ زوڵمێکم نەبینیوە بکرێت لەکاتی دوورخستنەوەی فەتۆچییەکان. بگرە لە کاتی دەستگیرکردنی ئەنجامدەری کردەوە تیرۆریستیەکەی سەری ساڵی ئیستانبوڵ و لە زۆر کاری تریشدا سەرکەوتن بەدەستھاتووە کە جێی شایەن و رێزە".
گوتیشی: "لە قۆناغی داھاتووماندا پێکھاتەی تایبەت بەقاعیدی فراوانی دامەزراوەی باڵای دادوەران و داواکاری گشتی، تایبەتمەندی فراوانی خۆی دەپارێزێت. وەک تورکیا کە سوودی زۆر بینراوە لە دەزگایەکی دەسەڵاتی دادوەریی، ھیچ کاتێک ھەنگاوی بەرەو دواوە نانێت لەو بارەیەوە".