بوومەلەرزەیەک بەگوڕی پێنج پلە ناوچەی ئیجەی هەژاند

ئەنقەرە - AA

بوومەلەرزەیەک بەگوڕی پێنج پلە لەسەر پێوەری رێختەر، شارۆچکەی ئاڵتنتاش سەربە پارێزگای کوتاهیا رۆژئاوای تورکیای هەژاند.

سه‌رۆكایه‌تی ئیدارەدانی کارەسات و باری لەناکاو (AFAD) لە ماڵپەڕی تایبەتی خۆی دەربارەی بوومەلەرزەکە زانیاری بڵاوکردوەتەوە و ئەوەی خستووەتەڕوو کە بوومەلەرزەکە لە کاتژمێر ١٤:٠٤ و لە قوڵایی ٧،١٦ کیلۆمەتر روویداوە.

هەروەها ئاماژە بەوەش دراوە کە هیچ حاڵەتێکی نەخوازراو لە دوای بوومەلەرزەکە تۆمار نەکراوە.