باڵیۆزی رووسیا له‌ ئه‌نقه‌ره كاریگه‌ربوونی خۆی به‌ سیسته‌می گه‌شتیاری نوێی توركیا راگه‌یاند‌

ئه‌نقه‌ره‌ - AA

باڵیۆزی رووسیا له‌ ئه‌نقه‌ره‌، ئالێكسه‌ی یه‌رهۆڤ ستایشی هه‌وڵه‌كانی توركیای كرد له‌ قۆناغی به‌ره‌نگاربوونه‌وه‌ی ڤایرۆسی كۆرۆنای نوێدا بۆ به‌رده‌وامیدان به‌ كه‌رتی گه‌شتیاری و پاراستنی ته‌ندروستی و ئاسایشی ئه‌و گه‌شتیارانه‌ی روو له‌ توركیا ده‌كه‌ن.

یه‌رهۆڤ له‌باره‌ی خزمه‌تگوزارییه‌ گه‌شتیارییه‌كان و سیسته‌می به‌ دیكۆمێنتكردنی گه‌شتیاری متمانه‌پێكراو كه‌ له‌ میانی پرۆسه‌ی ئاساییبوونه‌وه‌ له‌ به‌ره‌نگاربوونه‌وه‌ی ڤایرۆسی كۆرۆنای نوێ له‌ چالاكییه‌كه‌ی هه‌فته‌ی رابردوودا له‌ ئانتاڵیا خرایه‌ روو كه‌ ئه‌ویش به‌شداری تیاداكردبوو بۆ په‌یامنێری ئاژانسی ئانادۆڵو دوا.

باڵیۆزی رووسیا له‌ ئه‌نقه‌ره‌، ئالێكسه‌ی یه‌رهۆڤ ستایشی هه‌وڵه‌كانی توركیای كرد له‌ قۆناغی به‌ره‌نگاربوونه‌وه‌ی ڤایرۆسی كۆرۆنای نوێدا بۆ به‌رده‌وامیدان به‌ كه‌رتی گه‌شتیاری و پاراستنی ته‌ندروستی و ئاسایشی ئه‌و گه‌شتیارانه‌ی روو له‌ توركیا ده‌كه‌ن، گوتی: "بۆ ئه‌م مه‌به‌سته‌ كاری زۆر كراوه‌ له‌ شوێنه‌ گه‌شتیارییه‌كانی وه‌ك فڕۆكه‌خانه‌ و هۆتێله‌كان. توركیا له‌باره‌ی بڕوانامه‌ی گه‌شتیاری متمانه‌پێكراو سیسته‌مێكی سه‌رسووڕهێنه‌ری داهێناوه‌‌. پێویسته‌ وڵاتانی دیكه‌یش فێری ئه‌و سیسته‌مه‌ ببن. ده‌ریا و خۆر هه‌میشه‌ جوان و دڵ رفێنن. به‌مه‌به‌ستی ده‌ستكردنه‌وه‌ به‌ گه‌شته‌ ئاسمانییه‌كان و هاتنی گه‌شتیارانی رووسیا بۆ توركیا، لایه‌نه‌ په‌یوه‌ندیداره‌كانی رووسیا و توركیا به‌رده‌وام له‌ هه‌ماهه‌نگیدان".

هه‌فته‌ی رابردوو له‌ میانی ئه‌و چالاكییه‌دا وه‌زاره‌تی كلتور و گه‌شتیاری توركیا رایگه‌یاند كه‌ توركیا یه‌كه‌مین وڵاته‌ له‌ ئه‌ورووپا كه‌ سیسته‌می به‌ دیكۆمێنتكردنی گه‌شتیاری متمانه‌پێكراوی جێبه‌جێ كردووه‌.