ئەرزینجان.. رووداوێکی هاتوچۆ برینداربوونی ٢٢ کەسی لێکەوتەوە

ئەرزینجان - AA

لە ئاکامی وەرگەڕانی پاسێک لە شارۆچکەی رەفاحیە سەربە پارێزگای ئه‌رزینجان لە خۆرهه‌ڵاتی توركیا، ٢٢ کەس برینداربوون کە رەوشی تەندروستی یەک کەسیان ناجێگیرە.

رووداوەکە لەسەر رێگای ئەرزینجان-سێواس روویدا کە تیایدا شۆفێری پاسەکە کۆنترۆڵی لەدەستداوە و، لە ئەنجامدا لە کەناری رێگاکە پاسەکە وەرگەڕا و بەهۆیەوە ٢٢ کەس برینداربوون.

دوا بە دوای رووداوەکە ژمارەیەکی زۆر ئۆتۆمبێلی فریاکەوتن، جەندرمە، ئاگرکوژێنەوە، تیمی سه‌رۆكایه‌تی به‌رێوه‌بردنی كاره‌سات و دۆخه‌ له‌ناكاوه‌كان لە تورکیا گەیشتنە شوێنی رووداوەکە و بریندارەکان گواسترانەوە بۆ نەخۆشخانەکانی ناوچەکە.

ئاماژە بەوەیش کرا کە رەوشی یەکێک لە بریندارەکان سەختە.