ئاماری ئۆپه‌راسیۆنه‌كانی سه‌ر فه‌تۆ له‌ توركیا

وه‌زیری ناوخۆی توركیا ئه‌فكان ئالا:

- ژماره‌ی ئه‌و كارمه‌نده‌ حكوومیانه‌ی تا ئێستا له‌ كار دوورخراونه‌ته‌وه‌ ده‌وروبه‌ری 76 هه‌زار و 100 كه‌سن. ئه‌وانه‌ی ده‌ستگیركراون و لێكۆڵینه‌وه‌ له‌گه‌ڵیان به‌رده‌وامه‌ ژماره‌یان پێنج هه‌زار و 171كه‌سه‌، ژماره‌ی ئه‌و كه‌سانه‌شی ده‌ستبه‌سه‌ر كراون 16 هه‌زار و 899 كه‌سه‌.
- له‌و كه‌سانه‌ی ده‌ستگیركراون بریتین له‌ سێ هه‌زار و 83 پۆلیس، حه‌وت هه‌زار و 248 سه‌رباز، دوو هه‌زار و 288 دادوه‌ر و داواكاری گشتیی، 119 سه‌رۆكی یه‌كه‌ی ئیداری، چوار هه‌زار و 161یان هاووڵاتی مه‌ده‌نین.
وه‌زیری ناوخۆی توركیا ئه‌فكان ئالا، ئاماژه‌ی به‌وه‌ كرد كه‌ ژماره‌ی ئه‌و كارمه‌نده‌ حكوومیانه‌ی تا ئێستا له‌ كار دوورخراونه‌ته‌وه‌ له‌ ده‌وروبه‌ری 76 هه‌زار و 100 كه‌سدان. ئه‌وانه‌ی ده‌ستگیركراون و لێكۆڵینه‌وه‌ له‌گه‌ڵیان به‌رده‌وامه‌ ژماره‌یان پێنج هه‌زار و 171كه‌سه‌، ژماره‌ی ئه‌وانه‌شی ده‌ستبه‌سه‌ر كراون 16 هه‌زار و 899 كه‌سه‌.

له‌ میانه‌ی به‌شداری كردنی له‌ به‌رنامه‌یه‌كی راسته‌وخۆی كه‌ناڵی TV NET دا، ئاڵا وه‌ڵامی چه‌ند پرسیارێكی دایه‌وه‌.

ئالا دوایین ئاماری رووبه‌ڕوو بوونه‌وه‌ی رێكخراوی تیرۆریستی فه‌تحوڵڵاچی بڵاوكرده‌وه‌ و گوتی: "ژماره‌ی ئه‌و كارمه‌نده‌ حكوومیانه‌ی تا ئێستا له‌ كار دوورخراونه‌ته‌وه‌ ده‌وروبه‌ری 76 هه‌زار و 100 كه‌سن. ئه‌وانه‌ی ده‌ستگیركراون و لێكۆڵینه‌وه‌ له‌گه‌ڵیان به‌رده‌وامه‌ ژماره‌یان پێنج هه‌زار و 171كه‌سه‌، ژماره‌ی ئه‌و كه‌سانه‌شی ده‌ستبه‌سه‌ر كراون 16 هه‌زار و 899 كه‌سه‌".

وه‌زیری ناوخۆی توركیا ئالا، ئه‌وه‌شی خسته‌ڕوو كه‌ ژماره‌ی ئه‌و كه‌سانه‌ی به‌ مه‌رجی پشكنینی پزیشكی ئازاد كراون حه‌وت هه‌زار و 173 كه‌سه‌، ئه‌وانه‌شی ئازاد كراون سێ هه‌زار و 601 كه‌سن. له‌نێو سه‌ربازاندا 190 كه‌سیان هه‌ڵاتوون كه‌ نۆیان پله‌ی جه‌نه‌راڵیان هه‌یه‌. هه‌روه‌ها ژماره‌ی ئه‌و پۆلیسانه‌ی هه‌ڵاتوون 96 كه‌سن، كه‌ 47یان پله‌ی به‌ڕێوه‌به‌ریان هه‌یه‌.

ئالا باسی له‌وه‌یش كرد كه‌ رووبه‌ڕووی ناپاكییه‌كی زۆر قورس بوونه‌ته‌وه‌، ئه‌وانه‌ی ده‌ركه‌وتووه‌ كه‌ ده‌ستیان تێدا هه‌بووه‌ له‌ كار دوورخراونه‌ته‌وه‌ سێ هه‌زار و 83یان پۆلیسن، حه‌وت هه‌زار و 248یان سه‌ربازن، دوو هه‌زار و 288یان دادوه‌ر و داواكاری گشتیین، یان119 سه‌رۆكی یه‌كه‌ی ئیداری و چوار هه‌زار و 161یان هاوڵاتی مه‌ده‌نین.