کەرکووک.. لە ئۆپەراسیۆنێکی ئاسمانیدا سێ چەکداری داعش کوژران

کەرکووک - AA

لە ئەنجامی ئۆپەراسیۆنی سوپای عێراق، سێ چەکداری رێکخراوی تیرۆریستی داعش لە شاری کەرکووک کوژران.

بەرپرسی راگەیاندنی بەڕێوەبەرایەتی پۆلیسی کەرکووک، ئافراسیاو کامیل بە ئاژانسی ئانادۆڵوی راگەیاند کە لە ئەنجامی ئۆپەراسیۆنی سوپای عێراق لە گەڕەکی مەتروکی ٤٠ کیلۆمەتر دوور لە باشووری شاری کەرکووک، سێ چەکداری رێکخراوی تیرۆریستی داعش کوژران.

ئافراسیاو راشیگەیاند کە داعش توانای سەربازیی نەماوە و تەنھا بەشێکیان خۆیان لە گەڕەکی مەتروک حەشارداوە. گوتیشی: "ئەو گوندانەی کە تاکو ئێستا خەڵکەکەی بۆ نەگەڕاوەتەوە، بووەتە جێگەی خۆحەشاردانی پاشماوەکانی رێکخراوی تیرۆریستی داعش".

ناوبراو راشیگەیاند کە زانیاریان لەسەر ژمارەی بریندارەکانی چەکدارانی داعش نییە و لە دوای ئۆپەراسیۆنە ئاسمانییەکە، ژمارەیەکی زۆر لە ھێزەکانی ئەمنی رەوانەی ناوچەکە کراون.