موقتەدا سەدر داوایەك ئاراستەی لایەنگرانی دەكات

بەغدا ــ AA
سەركردەی رەوتی سەدر، موقتەدا سەدر هانی لایەنگرانی دا چاودێری هەڵبژاردنەكانی ئەنجوومەنی نوێنەران بكەن بۆ ئەوەی میلیشیا و پارتە سیاسییەكان نەتوانن ساختەكاری بكەن.
لە بەردەم لایەنگرانی سەدر، بەڕێوەبەری نووسینگەی سەدر لە بەغدا، ئیبراهیم جابری بە نوێنەرایەتی سەدر گوتەیەكی پێشكەش كرد و گوتی: "ئەگەر دركتان بە ساختەكاری لە هەڵبژاردنەكانی ئەنجوومەنی نوێنەران لە لایەن میلیشیا و پارتە سیاسییەكان كرد ئەوە دەستبەجێ لایەنە پەیوەندارەكانی لێ ئاگادار بكەنەوە".
ئیبراهیم جابری گوتیشی: "ئاگادار بن لە لایەن گەندەڵكارانەوە فریونەدرێن و لە هەڕەشەكانیش مەترسن و ئێمە باش لە نیاز و كارەكانی ئەوانە دەزانیین".
موقتەدا سەدر داوای لە لایەنگرانی كرد كە ئەو كەسانە هەڵنەبژێرینەوە كە پێشتر حكومڕانی ئەم وڵاتەیان كردووە.
بڕیارە ھەڵبژاردنەكانی ئەنجوومەنی نوێنەران لە ١٢ی ئەم مانگە بەڕێوەبچێت كە تیایدا حەوت ھەزار و ٣٦٧ كاندیدكراو، ركابەری لەسەر ٣٢٨ كورسی ئەنجوومەنی نوێنەران دەكەن.
كۆمیسیۆنی باڵای سەربەخۆی ھەڵبژاردنەكان رایگەیاندووە كە لە ھەڵبژاردنەكانی ئەنجوومەنی نوێنەراندا لە كۆی ٣٧ ملیۆن كەس، ٢٤ ملیۆن كەس مافی دەنگدانیان ھەیە.