حەلەب لە ژێر بۆردومانی چڕ دایە

حەلەب

لە ئەنجامی ھێرشی ئاسمانی بۆ سەر شاری حەلەب، ژمارەی کوژراوان گەیشتە ٢٠ کەس و ژمارەی ئەو کەسانەی کە برینداربوون گەیشتە ٧٠ کەس.

یەکێک لە بەرپرسانی بەرگری شارستانی شاری حەلەب بە ناوی نەجیب ئەنساری بە ئاژانسی ئانادۆڵوی راگەیاند کە فڕۆکە جەنگییەکانی سەر بە رژێمی ئەسەد و رووسیا گەڕەکەکانی ماددی، ئەنساری، سوکەری، شیعار و عەرد حەمرايان بۆردومان کردووە.

ئەنساری ئاشکراشی کرد کە لە ئەنجامی ھێرشی ئاسمانی بۆ سەر شاری حەلەب، ژمارەی کوژراوان گەیشتە ٢٠ کەس و ژمارەی ئەو کەسانەی کە برینداربوون گەیشتە ٧٠ کەس و راشیگەیاند ژمارەیەکی ئافرەت و منداڵیش لە نێو قوربانیان دایە.

ئەنساری راشیگەیاند کە بە ھۆی کەمی پێدوایستی پزیشکی، بەشێک لە نەخۆشخانە گەڕۆکەکان پەکیان کەوتووە.