ئیستانبوڵ ــ AA

وەزیری بازرگانی دەرەوەی فەڕەنسا نیکۆلاس فۆریسییە ڕایگەیاند کە کۆمپانیا فەڕەنسییەکان، وەبەرھێنانێکی چڕی درێژخایەنیان لە تورکیا کردووە و ئاماژەی بەوەشدا تا ساڵی ٢٠٢٧، قەبارەی وەبەرھێنانی کۆمپانیا فەڕەنسییەکان لە تورکیا دەگاتە، پێنج ملیار یۆرۆ.

نیکۆلاس فۆریسییە لە ھەشتەمین کۆبوونەوەی ھاوبەشی بازرگانیی نێوان فەڕەنسا و تورکیا " JETCO" کە لە ئیستانبوڵ بەڕێوەچوو، ئاماژەی بەوەشدا کە لە ساڵی ٢٠٢٠ تا ساڵی ٢٠٢٤، کۆمپانیا فەڕەنسییەکان بە بەھای سێ ملیار و ٦٠٠ ملیۆن یۆرۆ کاری وەبەرھێنانیان لە تورکیا کردووە و گوتی: "کۆمپانیا فەڕەنسییەکان کارە وەبەرھێنانەکان لە تورکیا زیاد دەکەن و تا ساڵی ٢٠٢٧، دەگەیەننە، پێنج ملیار یۆرۆ".

گوتیشی: "ئامانجمان پتەوکردنی پەیوەندییەکانی نێوان فەڕەنسا و تورکیا و بەدەستھێنانی ئەنجامی بەرجەستەیە لەوبارەیەوە".

باسی لەوەش کرد کە قەبارەی ئاڵوگۆڕی بازرگانیی نێوان فەڕەنسا و تورکیا لە ساڵی ٢٠٢٥دا ژمارەیەکی پێوانەیی تۆمار کردووە، بەو پێیەی گەیشتووەتە ٢٤ ملیار یۆرۆ.

ڕاشیگەیاند کە لەئێستادا، کۆمپانیا فەڕەنسییەکان بەشێوەیەکی ڕاستەوخۆ و ناڕاستەوخۆ، ٤٠٠ ھەزار دەرفەتی کاریان لە تورکیا ڕەخساندەوە".