ژمارەی تووشبووان بە ڤایرۆسی کۆرۆنا لە هەرێمی کوردستان سێ هەزار و ٥٠٠ کەسی تێپەڕاند
- وەزارەتی تەندروستیی هەرێمی کوردستان رایگەیاند، لە ٢٤ کاتژمێری رابردوودا، هەزار و ٦٥١ پشکنینی ڤایرۆسی کۆرۆنای نوێ (COVID-19) لەسەر ئاستی هەرێمی کوردستان ئەنجامدراوە، دەرەنجام ٢٦٦ تووشبووی نوێ بە ڤایرۆسەکە و نۆ حاڵەتی گیانلەدەستدان تۆمارکراوە.
Arbil
هەولێر - AA
وەزارەتی تەندروستیی هەرێمی کوردستان رایگەیاند، لە ٢٤ کاتژمێری رابردوودا، هەزار و ٦٥١ پشکنینی ڤایرۆسی کۆرۆنای نوێ (COVID-19) لەسەر ئاستی هەرێمی کوردستان ئەنجامدراوە، دەرەنجام ٢٦٦ تووشبووی نوێ بە ڤایرۆسەکە و نۆ حاڵەتی گیانلەدەستدان تۆمارکراوە.
وەزارەتی تەندروستیی هەرێمی کوردستان ئاماری کارەکانی ٢٤ کاتژمێری رابردووی وەزارەتەکەی لەبارەی بەرەنگاربوونەوەی کۆرۆنای نوێ (COVID-19)ی بڵاوکردەوە.
بەپێی راگەیەنراوەکە، لە ٢٤ کاتژمێری رابردوودا، هەزار و ٦٥١ پشکنین لەسەر ئاستی هەرێمی کوردستان ئەنجامدراوە کە ٣٧٧ لە هەولێر، ٧٠٧ لە سلێمانی، ٤٢٠ لە دهۆک، ٢٣ لە هەڵەبجە، ١٠٢ لە گەرمیان و ٢٢ لە راپەڕین بووە، دەرەنجام ٢٦٦ تووشبووی نوێ بە ڤایرۆسەکە و نۆ حاڵەتی گیانلەدەستدان تۆمارکراوە.
لە راگەیەنراوەکەی وەزارەتی تەندروستیی هەرێمی کوردستاندا کە کۆپییەکی گەیشتووەتە ئاژانسی ئانادۆڵو، تووشبووەکان و گیانلەدەستدانەکان بەم شێوەیەی خوارەوە تۆمارکراوە:
- پارێزگای هەولێر ١٩ تووشبوو و یەک گیانلەدەستدان.
- پارێزگای سلێمانی، ٢٣٨ تووشبوو و حەوت حاڵەتی گیانلەدەستدان کە بەم شێوەیەیە:
شاری سلێمانی، ١٩٦ تووشبوو و پێنج حاڵەتی گیانلەدەستدان.
ئیدارەی گەرمیان ٣٨ تووشبوو و حاڵەتی گیانلەدەستدان.
ئیدارەی راپەڕین چوات تووشبوو و حاڵەتی گیانلەدەستدان.
- پارێزگای دهۆک، دوو تووشبوو.
- پارێزگای هەڵەبجە، حەوت تووشبوو و حاڵەتی گیانلەدەستدان.
وەزارەتی تەندروستیی ھەرێمی کوردستان ئاماژەی بەوەشکردووە کە لە سەرەتای سەرھەڵدانی ڤایرۆسی کۆرۆناوە تا ئێستا ١١٥ هەزار و ٥٧١ پشکنین لەسەر ئاستی هەرێمی کوردستان ئەنجامدراوە کە ٥٤ هەزار و ٨٦٤ لە هەولێر، ٣٤ هەزار و ٧٠٦ لە سلێمانی، ٢٥ هەزار و ١٨٣ لە دهۆک و ٨١٨ لە هەڵەبجە بووە.
ئاماژە بەوەشدراوە کە لە ٢٤ کاتژمێری رابردوودا، ٣٩ نەخۆش دوای چارەسەری پزیشکی چاکبوونەوەتەوە کە ٢٣ هەولێر، چوار لە گەرمیان و ١٢ لە دهۆک بووە.
لە راگەیەنراوەکەی وەزارەتی تەندروستی ھەرێمی کوردستاندا ئەوە ئاشکرا کراوە کە لە کۆی ١٥ هەزار و ٤٠٠ هاووڵاتیی کەرەنتینکراو، ١٤هەزار و ٣٨٧ هاووڵاتیی لە کەرەنتین دەرچوون و دوای تەواو کردنی ماوەی ١٤ رۆژ و ئەنجامدانی پشکنینی تاقیگەیی بۆیان و پشتڕاستکردنەوەی ئەوەی کە ھەڵگری ئەو نەخۆشییە نین، گەڕانەوەتە ناو خانەوادەکانیان و لەئێستادا، هەزار و ١٣ هاووڵاتیی لە ٣١ شوێنی جیاوازی کەرەنتین ماونەتەوە کە ٢٧٤ لە هەولێر و ٧٣٩ لە دهۆک.
ئاماژە بەوەشدراوە کە لە ٢٤ کاتژمێری رابردوودا، ٤٤ هاووڵاتیی کەرەنتینکراون.
بەپێی داتاکانی وەزارەتی تەندروستی حکوومەتی ھەرێمی کوردستان، کۆی گشتی تووشبووان بە ڤایرۆسی کۆرۆنای نوێ (COVID-19) لە ھەرێمی کوردستان گەیشتووەتە سێ هەزار و ٥٣٩ تووشبوو کە ٨٥٣ لە هەولێر، دوو هەزار و ٤٦٠ لە سلێمانی، ١٤٥ دهۆک و ٨١ لە هەڵەبجەیە، لەنێویاندا ٩٨ حاڵەتی گیانلەدەستدان ھەیە کە ١٤ هەولێر، ٨٢ سلێمانی و دوو حاڵەت لە هەڵەبجە بووە، و هەزار و ٣٥٨ نەخۆش چاکبووەتەوە کە ٤٧٤ لە هەولێر، ٧٣٦ لە سلێمانی، ١١٥ لە دهۆک و ٣٣ هەلەبجە بووە، و لە ئێستادا دوو هەزار و ٨٣ نەخۆش لەژێر چاودێری پزیشکییدان کە ٣٦٥ لە هەولێر، هەزار و ٦٤٢ لە سلێمانی، ٣٠ لە دهۆک و ٤٦ لە هەلەبجەیە.
وەزارەتی تەندروستیی ھەرێمی کوردستان وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە ئەرکدان، داوای لە هاووڵاتییان کردووە پابەندبن بە رێنماییەکانی تەندروستیی و دوورکەوتنەوە لە شوێنی قەرەباڵغ و دانانی ماسک و دەستکێش، هەروەها لەکاتی پێویستدا پەیوەندی بە هێڵی گەرمی ژمارە (١٢٢) بکەن.