به‌غدا - AA

له‌ شاری نه‌جه‌ف باشووری عێراق، یه‌كه‌م حاڵه‌تی تووشبوون بە ڤایرۆسی كۆرۆنا (Kovid-19) تۆماركرا كه‌ هه‌ڵگره‌كه‌ی خوێندكارێكی ئێرانییە.

بەڕێوەبەری گشتی فەرمانگەی تەندروستی نەجەف، رەزوان کیندی له‌ لێدوانێكیدا باسی له‌وه‌ كرد کە ئەنجامی ئه‌و پشکنینانه‌ی بۆ خوێندكارێكی به‌ ره‌گه‌ز ئێرانی كراون كه‌ له‌ بواری زانستە ئایینییەکان له‌ شاره‌كه‌ ده‌خوێنێت ده‌ركه‌وتووه‌ كه‌ ئه‌و كه‌سه‌ تووشی ڤایرۆسه‌كه‌ بووه‌.

رەزوان كیندی ئه‌وه‌یشی خسته‌ڕوو كه‌ خویندكاره‌كه‌ گواستراوه‌ته‌وه‌ بۆ نه‌خۆشخانه‌ و له‌ژێر چاودێریدایه‌.