Baghdad
بەغدا ــ AA
رۆژی چوارشەممەی رابردوو، فەرماندەی فەیلەقی قودس سەربە سوپای پاسدارانی ئێران، ئیسماعیل قائانی سەردانی بەغدای کردووە و چاوی بە سەرۆکوەزیرانی عێراق، مستەفا کازمی کەوتووە.
لەمبارەیەوە سەرچاوەیەک لە حکوومەتی عێراق کە نەیویست ناوی ئاشکرا بکرێت بە ئاژانسی ئانادۆڵوی رایگەیاندووە کە رۆژی چوارشەممەی رابردوو، ئیسماعیل قائانی لەسەر بانگھێشتی مستەفا کازمی ھاتووەتە بەغدا.
بە گوتەی سەرچاوەکە فەرماندەی فەیلەقی قودس سەربە سوپای پاسدارانی ئێران، ئیسماعیل قائانی لە سەردانەکەیدا بۆ بەغدا چاوی بە سەرۆکوەزیرانی عێراق، مستەفا کازمی کەوتووە، بێ ئەوەی زانیاری زیاتر لەوبارەوە بخاتەڕوو.
تا ئێستا ھیچ روونکردنەوە و زانیارییەک لە لایەن حکوومەتی عێراقەوە لەوبارەوە بڵاونەکراوەتەوە.