سامان بەرزنجی: "ئەمڕۆ تووشبوون بە کۆرۆنا لە هەرێمی کوردستان ژمارەی پێوانەیی تێپەڕاند"
وەزیری تەندروستیی هەرێمی کوردستان، سامان بەرزنجی رایگەیاند، ژمارەی تووشبوون بە ڤایرۆسی کۆرۆنای نوێ(COVID-19) لە هەرێمی کوردستان ژمارەی پێوانەیی تێپەڕاند و هەر لە زیادبووندایە".
Arbil
هەولێر - AA
وەزیری تەندروستیی هەرێمی کوردستان، سامان بەرزنجی رایگەیاند، ژمارەی تووشبوون بە ڤایرۆسی کۆرۆنای نوێ(COVID-19) لە هەرێمی کوردستان ژمارەی پێوانەیی تێپەڕاند و هەر لە زیادبووندایە".
سامان بەرزنجی لە پەیامێکدا کە لەرێگەی تۆڕی کۆمەڵایەتی فەیسبووکەوە ئاراستەی هاووڵاتییانی هەرێمی کوردستانی کردووە، تیایدا رایگەیاندووە "بەداخەوە ئەمڕۆش تووشبوون بە کۆرۆنا لە هەرێمی کوردستان ژمارەی پێوانەیی تێپەڕاند و هەر لە زیادبووندایە".
وەزیری تەندروستیی هەرێمی کوردستان، سامان بەرزنجی داوای لە هەموولایەک کردووە زیاتر پابەندی رێنماییەکانی خۆپارێزی بن و نووسیوویەتی: "تکایە زیاتر توندوتۆڵ بن لە جێبەجێکردنی رێنمایی و رێکارەکانی خۆپارێزی".
بەپێی داتاکانی وەزارەتی وەزارەتی تەندروستی، ژمارەی تووشبووان بە ڤایرۆسی کۆرۆنای نوێ لە هەرێمی کوردستان گەیشتووەتە سێ هەزار و ٢٧٣ تووشبوو لە نێویاندا ٨٩ حاڵەتی گیانلەدەستدان هەبووە و هەزار و ٣٣١ نەخۆش دوای وەرگرتنی چارەسەری پزیشکیی چاکبوونەوەتەوە و لە ئێستادا هەزار و ٨٥٣ تووشبوو لە نەخۆشخانەکان لەژێر چاودێری پزیشکییدان.
![](http://www.facebook.com/sharer.php?u=https://www.aa.com.tr/ks/کۆڤید-١٩/سامان-بەرزنجی-ئەمڕۆ-تووشبوون-بە-کۆرۆنا-لە-هەرێمی-کوردستان-ژمارەی-پێوانەیی-تێپەڕاند-/1884227&p[images][0]=https://cdnuploads.aa.com.tr/uploads/Contents/2020/06/20/thumbs_b_c_9412357edaf93c9d343ee61639432722.jpg?v=231248&p[title]=سامان بەرزنجی: "ئەمڕۆ تووشبوون بە کۆرۆنا لە هەرێمی کوردستان ژمارەی پێوانەیی تێپەڕاند" &p[summary]=وەزیری تەندروستیی هەرێمی کوردستان، سامان بەرزنجی رایگەیاند، ژمارەی تووشبوون بە ڤایرۆسی کۆرۆنای نوێ(COVID-19) لە هەرێمی کوردستان ژمارەی پێوانەیی تێپەڕاند و هەر لە زیادبووندایە".
){kind=link}