جيهان
ئەمریکا و بەریتانیا ھێرشی ئاسمانییان کردە سەر ڕۆژئاوای یەمەن
ھێزەکانی ئەمریکا و بەریتانیا لە میانی چوار ھێرشی ئاسمانییدا، باشووری پارێزگای حودەیدەیان لە ڕۆژئاوای یەمەن بۆردومان کرد.
Omar Alothmani |
17.03.2024 - نوێکردنەوە : 18.03.2024
Istanbul
عەدەن - AA
حووسییەکان لە یەمەن ڕایانگەیاند کە ھێزەکانی ئەمریکا و بەریتانیا، چوار ھێرشی ئاسمانییان بۆسەر باشووری پارێزگای حودەیدە ڕۆژئاوای یەمەن ئەنجامداوە.
کەناڵی مەسیرە سەربە حووسییەکان بڵاویکردەوە کە ھێزەکانی ئەمریکا و بەریتانیا چوار ھێرشی ئاسمانییان کردووەتە سەر پارێزگای حودەیدە و لە میانیدا، ناوچەی تائیف باشووری پارێزگاکەیان بۆردومان کردووە.
کەناڵەکە وردەکاری زیاتری لەبارەی زیانە گیانی و ماددییەکانی ئەو ھێرشەی ئەمریکا و بەریتانیا بۆسەر پارێزگای حودەیدە بڵاونەکردووەتەوە.
تا ئێستا ئەمریکا و بەریتانیا، ھیچ ڕاگەیاندراوێکیان لەوبارەیەوە بڵاونەکردووەتەوە.
