ئیسپارتا - AA

سەرکۆماری تورکیا و سەرۆکی گشتیی ئاک پارتی، ڕەجەب تەیب ئەردۆغان ڕایگەیاند: "بەو ئەنجامە ئەرێنییەی لەگەڵ دابەزینی ڕێژەی هەڵئاوساندا دێتە ئاراوە، دەرفەتێکی باشتر بۆ فەرمانبەران و خانەنشینانمان دەستەبەر دەکەین".

لە میانی بەشداری کردنی لە کۆبوونەوەیەکی جەماوەریی پارتەکەیدا لە مەیدانی کۆماری و دیموکراسی ١٥ی تەمووز لە ئیسپارتا، سەرکۆمار ئەردۆغان گوتارێکی پێشکەش کرد.

لە گوتارەکەیدا سەرکۆمار ئەردۆغان باسی لە بەرنامەی ئابووریی و ئەنجامە ئەرێنییەکانی کرد لە دابەزاندنی ڕێژەی هەڵئاوسان و ڕایگەیاند: "بەو ئەنجامە ئەرێنییەی لەگەڵ دابەزینی ڕێژەی هەڵئاوساندا دێتە ئاراوە، دەرفەتێکی باشتر بۆ فەرمانبەران و خانەنشینانمان دەستەبەر دەکەین".

سەرکۆماری تورکیا و سەرۆکی گشتیی ئاک پارتی، ڕەجەب تەیب ئەردۆغان: "بەو ئەنجامە ئەرێنییەی لەگەڵ دابەزینی ڕێژەی هەڵئاوساندا دێتە ئاراوە، دەرفەتێکی باشتر بۆ فەرمانبەران و خانەنشینانمان دەستەبەر دەکەین"

— Anadolu Soranî (@aasorani) March 20, 2024

سەرکۆمار ئەردۆغان ئاماژەی بە تواناکانی تورکیا کرد لە بواری تەکنەلۆجیای فڕۆکەوانییدا و ڕایگەیاند: ''لە تەکنەلۆجیای فڕۆکەی بێفڕۆکەواندا لە سێ وڵاتی یەکەمی جیهانین. بەفڕۆکەی جەنگی نیشتمانیی KAANمان بووینە یەکێک لەو چوار وڵاتەی جیهان کە نەوەی پێنجەمی فڕۆکەمان دروست کردووە".

سەبارەت بە ڕەوشی غەززە، سەرکۆمار ئەردۆغان ڕایگەیاند: "لەگەڵ خەم و پەژارەی کۆمەڵکوژییەکانی غەززە، ڕەمەزانێکی خەمناک بەسەر دەبەین. وەک تورکیا بەو هاوکارییە زانرا و نەزانراوانە لە پاڵ برا غەززەییەکانمانداین".