هەڵسەنگاندنی جێگری سەرکۆمار بۆ سەردانەکەی سەرکۆمار ئەردۆغان بۆ عێراق

ئەنقەرە - AA

جێگری سەرکۆماری تورکیا، جەودەت یڵماز لە میانی بەشداری کردنی لە بەرنامەیەکی تەرەتە هەبەردا وەڵامی چەند پرسیارێکی سەبارەت بە ڕۆژەڤ دایەوە.

لە وەڵامی پرسیارێکدا سەبارەت بەوەی سەردانەکەی سەرکۆمار ئەردۆغان بۆ عێراق چۆن ڕەنگدانەوەی دەبێت لەسەر پەیوەندیە بازرگانییەکانی نێوان هەردوو وڵات، یڵماز ئاماژەی بەوە کرد کە لەگەڵ عێراقدا خاوەنی پەیوەندییەکی فرەڕەهەندن.

Bu gönderiyi Instagram'da gör

Anadolu Soranî (@aa_sorani)'in paylaştığı bir gönderi

یڵماز ئاماژەی بەوە کرد لە پاڵ ئاسایش و بەرەنگاربوونەوەی تیرۆر و وزەدا بازرگانی نێوان هەردوو وڵاتەکە زۆر گرنگە و، پرۆژەی ڕێگای گەشەپێدان گرنگترین پرسی سەردانەکە بووە.

جێگری سەرکۆماری تورکیا ئاماژەی بە گرنگیی هاریکاریی کرد لە بواری ڕێگای گەشەپێدان و، ڕایگەیاند:

"شەڕ و پێکدادانەکان، دابەشبوونی نەتەوەیی و ململانێی تائیفی سوودی بۆ کەس نییە. هاریکاری زیاتر هەن کە پێویستە ئەنجام بدرێن، هەم لە ڕووی ئاسایشەوە هەمیش لە ڕووی ئابوورییەوە. کاتێک ئەمەمان ئەنجام دا، پێم وایە لە ڕووی هەرێمییەوە دەچینە ئاستێکی جیاوازتر. ئەوەی ئەمڕۆ لە غەززە و سووریا و عێراق ڕوو دەدەن نەرێنین، بەڵام هیچ بێئومێد نیم بۆ وادەیەکی دوورمەودا. پێم وایە بە هاوکاری زۆری تورکیا و بە ڕێبەرایەتی سەرکۆمارمان، هەموو بەیەکەوە کاریگەرییە ناوچەییەکانی سەدەی تورکیا دەبینین".