سياسەت

شاندی توركیا و رووسیا تاوتوێی هه‌نگاوه‌كانی ده‌سته‌به‌ركردنی ئارامییان له‌ ئیدلب كرد

08.02.2020
شاندی توركیا و رووسیا تاوتوێی هه‌نگاوه‌كانی ده‌سته‌به‌ركردنی ئارامییان له‌ ئیدلب كرد

Ankara

ئه‌نقه‌ره‌- AA

شاندی توركیا و رووسیا له‌و كۆبوونه‌وانه‌ی له‌ ئه‌نقه‌ره‌ له‌باره‌ی پرسی سووریا ئه‌نجامیانداوه‌، تیشكیان خستووه‌ته‌ سه‌ر هه‌نگاوه‌كانی هه‌رچی زووه‌ ده‌سته‌به‌ركردنی ئارامیی و به‌ره‌وپێشبردنی پرۆسه‌ی سیاسیی.

به‌پێی ئه‌و زانیارییانه‌ی له‌ سه‌رچاوه‌ دیپلۆماتییه‌كانه‌وه‌ ده‌ستكه‌وتوون، شاندێك له‌ لایه‌ن توركیاوه‌ به‌ سه‌رۆكایه‌تی جێگری وه‌زیری ده‌ره‌وه‌، سه‌دات ئۆناڵ، له‌ هه‌ریه‌ك له‌ وه‌زاره‌ته‌كانی ده‌ره‌وه‌، به‌رگریی، سه‌رۆكایه‌تی ئه‌ركانی سوپا و سه‌رۆكایه‌تیی هه‌واڵگریی نیشتمانیی له‌گه‌ڵ شاندێكی رووسی به‌ سه‌رۆكایه‌تیی هه‌ریه‌ك له‌ جێگری وه‌زیری ده‌ره‌وه‌، سێرگی ڤێرشینین، و نوێنه‌ری تایبه‌تی سه‌رۆكی رووسیا بۆ سووریا، ئه‌لێكساندر لاڤرێنتیه‌ڤ، و كاربه‌ده‌سته‌ سه‌ربازیی و هه‌واڵگرییه‌كان، دوو گه‌ڕ كۆبوونه‌وه‌ كه‌ كۆی گشتیی سێ كاتژمێریان خایاندووه‌، ئه‌نجامدراوه‌.

له‌ كۆبوونه‌وه‌كاندا دۆخی ئیدلب تاوتوێكراوه‌ و هه‌ردوولا تیشكیان خستووه‌ته‌ سه‌ر هه‌نگاوه‌كانی هه‌رچی زووه‌ ده‌سته‌به‌ركردنی ئارامیی له‌رووی مه‌یدانییه‌وه‌ و به‌ره‌وپێشبردنی پرۆسه‌ی سیاسیی.

هه‌روه‌ها بڕیاردرا له‌ هه‌فته‌كانی ئاینده‌دا درێژه‌ به‌ كۆبوونه‌وه‌كان بدرێت.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın