قودس ــ AA

سەرۆکوەزیرانی ئیسرائیل، بنیامین ناتانیاھو بانگەشەی ئەوەی کرد، ئەگەر جوولەکەکانی مەکابی لە شۆڕشەکەیان دژبە ئیمپراتۆریەتی سلووکی شکستیان ھێنابووایە، ئەوە ویلایەتە یەکگرتووەکانی ئەمریکا بوونی نەدەبوو.

بەبۆنەی جەژنی (حانووکا) بنیامین ناتانیاھو بە یاوەری سارای ھاوسەری و باڵیۆزی ئەمریکا لە ئیسرائیل، مایک ھاکابی ھەڵکوتایە سەر گوڕەپانی بوراق لە قودسی داگیرکراو.

سەرۆکوەزیرانی ئیسرائیل لە بەردەم دیواری بوراق گوتی: "ئەگەر جوولەکەکانی مەکابی لە شۆڕشەکەیان دژبە ئیمپراتۆریەتی سلووکی شکستیان ھێنابووایە، ئەوە ویلایەتە یەکگرتووەکانی ئەمریکا بوونی نەدەبوو".

تا ئێستا ئەمریکا، ھیچ کاردانەوە و ھەڵوێستێکی لەسەر ئەو قسەیەی بنیامین ناتانیاھو نیشان نەداوە.