ئەنقەرە - AA

وەزیری ناوخۆی تورکیا، عەلی یەرلیکایا بڵاویکردەوە کە لە ماوەی پێنج مانگدا، بەبڕی شەش ملیار و ٢٧٥ ملیۆن و ٦٩٦ هەزار لیرە، هاوکاری کرێی خانوو پێشکەش بە لێقەوماوانی بوومەلەرزەکانی قەهرەمانمەڕەش کراوە.

لە بڵاوکراوەیەکدا کە لە هەژماری خۆی لە تۆڕی کۆمەڵایەتی بڵاویکردەوە، یەرلیکایا ئاماژەی بەوە کرد کە ١٩٧ ڕۆژ بەسەر ئەو بوومەلەرزانەدا تێدەپەڕێت کە چەقەکەیان پارێزگای قەهرەمانمەڕەش بوو.

یەرلیکایا ڕایگەیاند: ''لە مانگی ئابدا تێکڕا بەبڕی یەک ملیار و ٢٥٩ ملیۆن و ٣٩ هەزار لیرە هاوکاری کرێی خانوومان پێشکەش بە ٢٩٧ هەزار و ٩٤٣ خێزان کردووە. لە ماوەی پێنج مانگیشدا، بەبڕی شەش ملیار و ٢٧٥ ملیۆن و ٦٩٦ هەزار لیرە، هاوکاری کرێی خانوو پێشکەش کراوە. لە بنیاتی سەدەی تورکیادا ئێمە یەکین و بەیەکەوەین''.