ئەنقەرە - AA

وەزارەتی دەرەوەی تورکیا، لە یەکەمین ساڵیادی کۆتایی هاتنی ڕژێمی بەشار ئەسەد و شەڕی ناوخۆ، ڕۆژی ئازادی گەلی سوریای بەرز ڕاگرت.

لەو بارەیەوە، وەزارەتەکە ڕاگەیاندراوێکی لە بارەی یەکەمین ساڵیادی هەشتی کانوونی یەکەم، ڕۆژی ئازادی سووریا بڵاوکردەوە.

لە ڕاگەیاندراوەکەدا کە یەکەمین ساڵیادی کۆتاییهاتنی شەڕی ناوخۆ و ڕژێمی بەشار ئەسەد لە هەشتی کانوونی یەکەمی ٢٠٢٤ بە گەرمی بەرز ڕاگیراوە، هاتووە: "حکوومەتی سووریا سەرەڕای بوونی ژمارەیەکی زۆر لە کێشەکان کە لە ماوەی ساڵێکدا ڕووبەڕوویان بووەتەوە، سیاسەتێکی دەرەوەی ژیرانە و ئاشتیخوازانەی پەیڕەو کردووە و، هەنگاوی جێگیری ناوە بۆ گەیشتنی سووریا بەو پێگە شایشتەیەی لە ئاستی نێودەوڵەتییدا شایەنێتی".

لە ڕاگەیاندراوەکەدا جەخت لەسەر ئەوە کراوەتەوە کە تورکیا بە بەهێزترین شێوە بەردەوام دەبێت لە پشتیوانی کردنی هەوڵەکانی بۆ دامەزراندنی سەقامگیریی، ئاسایش و خۆشگوزەرانی لە سووریا.