سەرکۆمار ئەردۆغان: "لە هەر شوێنێک بین لایەنگری لە دادپەروەری و ڕاستی دەکەین"

پەرلەمانی تورکیا - AA

سەرکۆماری ئەردۆغان ڕایگەیاند کە لە هەر شوێنێک بن لایەنگری لە دادپەروەری و ڕاستی و گیانی مرۆڤەکان دەکەن و جەختی لەوەش کردەوە کە ئەوە سیستەمەی کە لە نەتەوە یەکگرتووەکان وەک بنەمایەک پەسەند کراوە، لە لایەن ئەوانەی کە خۆیان داهێنەرین، پێشێل دەکرێت.

سەرکۆماری تورکیا بەشداری لە خوانێکدا کرد کە بە میوانداری سەرۆکی پەرلەمانی تورکیا نوعمان کورتوڵمووش ڕێکخرابوو.

لە سەرەتادا سەرکۆمار ئەردۆغان گوتی: "ئەوانەی ساڵانێکە باس لە یاسا، مافی مرۆڤ و ئازادی دەکەن، ئەمڕۆ خۆیان ئەوەیان پشتگوێ خستووە و هیچ کێشەیەکیان لە پێشێلکردنیدا نییە. ئێمە لە هەر شوێنێک بین لایەنگری لە دادپەروەری و ڕاستی و گیانی مرۆڤەکان دەکەین، نەک لایەنگری لە کوشتار، کۆمەڵکوژی، ڕێگری و بکەرانی کۆمەڵکوژی".

گوتیشی "ئەوە سیستەمەی کە لە نەتەوە یەکگرتووەکان وەک بنەمایەک پەسەند کراوە، لە لایەن ئەوانەی کە خۆیان داهێنەرین، پێشێل دەکرێت. ئێمە هەرگیز لە پرسەکانی ناوچەکە و مرۆڤایەتیدا بێلایەن نابین، ئێمە لایەنگری ئاشتی و سەقامگیری و بەهاکانی جیهانی و دادپەروەری و پەرەپێدانین".

سەرکۆمار ئەردۆغان ڕاشیگەیاند: "لە کاتێکدا مووشەکەکان بە ئاسمانەوەن، وشیار دەبین بۆ دڵنیابوون لەوەی کە هیچ زیانێک بە تاکە یەک هاووڵاتیمان نەگات و لەهەمانکاتدا بەرامبەر دادپەروەریش دەوەستین".

لەبارەی پڕۆسەی تورکیای بێ تیرۆرەوە سەرکۆمار ئەردۆغان گوتیشی: "کەسانێک پێیان خۆشە تورکیا لەو ڕێگەیە گرتوویەتی پاشەکشە بکات. بۆمان گرنگ نییە. بوێرانە لەسەر ئەو ڕێرەوەی گرتوومانەتەبەر بەردەوام دەبین. ئەو دەرفەتە و ئەو دۆخە لە دەست خۆمان نادەین و ڕێگەش نادەین لەدەست بچێت".