Li Mûşê genim di aşên kevir da tê hêrandin

Li Mûşê aşvan genimê ku hatiye çinîn di aşê xwe da dihêrin.

Aşvan Ercan Korkmaz ji rojnamevanan ra daxuyand heyama hêrandina genim dest pê kir.

- "Em şev û roj dixebitin"

Korkmaz got ew bi sê cure aş va dixebitin û wiha axivî: "Em bi pergala xwe ya ku genim dişo, zuha dike û dihêre va arê spî çêdikin. Bi pergala duyemîn a fabrîqeyê va em genim elegê dixin û dihêrin. Bi pergala sêyemîn yanê aşê bi kevir ya berê va jî em arê bikapek û lazutan dihêrin. Welatî bi taybetî arê bikapek dixwazin. Em şev û roj dixebitin. Xebata me 3 mehan dewam dike û em qasî 25 ton genim dihêrin. Em ji kesên ku pereyê wan tune serê 10 teneke genimî tenekeyek genim hildidin. Paşê em vî genimî dihêrin dikin ar û difroşin."

- "Min 150 teneke genim anî ku ez bihêrim"

Cevdet Yavuzê ji bo genimê xwe bihêre hatiye aş jî wiha got: "Genimê me li aş tê şûştin û hêrandin. Ez serê sibê zû hatim lê ancax dor hate min. Min 150 teneke genim anî ku ez bihêrim."