Li Erzirom, Qers û Erdexanê berf û serma hê jî didome

Berf û hewaya sar bandorê li Erzirom, Qers û Erdexanê dike.

Berfa ku duh bi şev li Erziromê dest pê kir, bajar sipî kir.

Wesayît, dar û rêyên peyayan bi berfê hatine pêçan û germahiya hewayê ya şevê di bin sifrê da 7 pile hat pîvandin.

- Qers

Berfa ku duh li Qersê dest pê kir û cî bi cî berdewam dike, bandoreke neyînî li ser jiyana rojane dike.

Bi barîna berfê ra her der sipî bû û tîmên Şaredariya Qersê dest bi xebatên paqijkirina berfê kirin.

Li navçeya Sariqamîşê, daristanên çaman û dar bi berfê hatin nixumandin. Çûk li xwarinê digeriyan û hin dikandaran xwarin dan çûkan.

Ji ber hewaya sar, li ser banên avahiyan qeşayên dirêj çêbûn.

- Erdexan

Berf û hewaya sar bandorê li Erdexanê jî dike.

Germahiya hewayê bi şev li bajêr di bin sifrê da 10 pile hat pîvandin.

Ji ber sermayê li ser rê û peyarêyan û çeman qeşa çêbû. Derdor jî ji ber berfê sipî bû.