Li Gewaşa navçeya Wanê otomobîl û tir li hev qelibîn, di encamê da 2 kes mirin û 3 kes birîndar bûn.

Li rêya Wan-Bidlîsê otomobîla bi plakaya 34 ACK 344 û tira bi plakaya 13 AHH 552 yên ku navê ajokarên wan nehat hînbûn li hev qelibîn.

Li ser îxbara kesên hawirdor ekîbên cendirme, tenduristî, AFAD û îtfaiyeyê sewqî cihê qezayê kirin.

Di qezayê da ji heman malbatê 2 kes mirin, 3 kes jî birîndar bûn.

Ekîban birîndarên ku di wesatîtê da asê mabûn ji cî derxistin û bi ambulansê rakirin Nexweşxaneya Dewletê ya Gewaşê.

Rêya ku ji ber qezayê hatibû girtin piştî xebatan dîsa ji trafîkê ra hat vekirin.