Jiyan

Bi xizangên hespan diçin ser golê û masiyan digirin

Nihat Kavşut   | 11.01.2020
Bi xizangên hespan diçin ser golê û masiyan digirin

Kars

Li Herêma Rojhilatê Anadoluyê ku sir û serma zêde ye masîgir bi xizangên hespan diçin ser Gola Çildirê, cemedê dişikînin û mîna "Eskîmo"yan masiyan digirin.

Li Gola Çildirê ku di navbera sînorên Qers û Erdexanê da dimîne ji ber serma û seqemê qalindiya cemedê gihîştiye 40 santîmêtroyî.

Bi xizangên hespan diçin ser golê û masiyan digirin

Li Herêma Rojhilatê Anadoluyê ku sir û serma zêde ye masîgir bi xizangên hespan diçin ser Gola Çildirê, cemedê dişikînin û mîna "Eskîmo"yan masiyan digirin. ( Cüneyt Çelik - Anadolu Agency )

Welatiyên ku li Arpaçaya navçeya Qersê li gundê Taşbaşiyê masîgiriyê dikin bi xizangên hespan diçin ser Gola Çildirê, cemedê dişikînin û mîna "Eskîmo"yan masiyan digirin.

Masîgir bi tevr û bêran cemeda golê dişikînin û tora xwe berdidin avê û rojekê dihêlin. Masîgir rojek bi şunda bi xizangan diçin cemedê cardin dişikînin û tora berdane avê dikişînin.

Dural Daşdemirê masîgir daxuyanî da nûçegihanê AAyê û diyar kir bi xizangan diçin Gola Çildirê masiyan digirin.

- "Em rojê qederê 20-30 kîlogram masî digirin"

Bi xizangên hespan diçin ser golê û masiyan digirin

Daşdemir diyar kir ji ber ku gundê wan nêzî golê ye her gav ji bona masiyan tên û wiha axivî: "Piştî ku em xizangan li ser golê digerin mîna Eskîmoyan masiyan digirin. Berêvarê em tora xwe berdidin avê û dora rojê nîvrokî tên û derdixin. Em rojê qederê 20-30 kîlogram masî digirin."

Ertan Daşdemir jî diyar kir bi tevr û bêran cemeda golê dişikînin û wiha got: "Em torên xwe yên 20-30-50 mêtro ne berdidin avê. Em masiyan bi saxî digirin û didin muşteriyên xwe yên ku tên."

Daşdemir destnîşan kir ji ber ku av cemidî ye tehma masiyan xweştir dibe.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın