"Hikûmeta Yêmenê û koalîsyona bi serkêşiya Erebistana Siûdî sûcê şer kirine"

CENEVRE

Heyeta Yêmenê ya navneteweyî ya ku bi pêşîkêşiya Neteweyên Yekbûyî (NY) hat avakirin destnîşan kir delîlên maqûl ên nîşan didin ku ji hikûmeta Yêmenê û koalîsyona di serkêşiya Erebistana Siûdî da li Yêmenê sûcên şer kirine.

Komîserê Bilind ê Mafên Mirovan ê NYyê Zeyd Raad el Hiseyîn par ji bo tespîta binpêkirina mafên mirovan ên li Yêmenê heyeteke ji 3 kesan pêk dihat ava kiribû û rapora wê heyetê eşkere kir.

Di rapora heyeta ku ji "pisporên herêmî û navneteweyî yên tên naskirin" da hat gotin ku di êrîşên hewayî yên koalîsyona di serkêşiya Erebistana Siûdî da sivîl jî hatin kuştin û raporê wiha dewam kir: "Di êrîşên hewayî da war, deverên bazarê, deverên şîn û cinazeyan, dewet, navendên binçavkirinê, kelekên sivîlan û heta saziyên tenduristiyê jî hatine bombekirin."

Di raporê da hat destnîşankirin ku ji ber sûcên navneteweyî lazim e ji hikûmeta Yêmenê hin kes û hin mensûbên hêzên Erebistana Siûdî û Mîrektiyên Yekbûyî yên Ereb bên darizandin.

Li gor daneyên saziyên NYyê ji Adara sala 2015an heta 23ê Tebaxa sala 2018an di şerê navxweyî yê li welêt da 6 hezar û 660 sivîl hatin kuştin û 10 hezar û 563 sivîl jî birîndar bûn û hat gotin ku jimara heqîqî ji vê gelekî zêdetir e.