Di êrîşa terorê ya li Îranê da 24 kes hatin kuştin

TEHRAN

Elî Huseyînzadeyê Alîkarê Waliyê Eyaleta Xûzistanê destnîşan kir di êrîşa li bajarê Ehwazê di merasima eskerî da hat kirin da 24 kes hatin kuştin û 53 kes birîndar bûn.

Huseyînzade diyar kir li Ehwaza li başûrê rojavayê Îranê di merasima salvegera şerê Îran û Iraqê da dema meşa eskerî dihat kirin êrîşa terorê hat kirin û di êrîşê da 24 kes hatin kuştin û 53 kes birîndar bûn.

Huseyînzadeyê daxuyanî da têlevizyona dewletê ya Îranê destnîşan kir di merasima ku rayedarên siyasî û eskerî beşdar bûn da ji êrîşkaran 2 kes kuştî û 2 kes sax hatin qefaltin.

Remezan Şerîfê Berdevkê Mihafizên Şoreşê yên Îranê destnîşan kiribû ku êrîşa li bajarê Ehwazê rêxistina El Ehwaziyeyê hildaye ser xwe.