Di erdheja li Endonezyayê da hejmara miriyan derket 56an

Hat ragihandin, hejmara kesên di erdheja ku 15ê rêbendanê li bajarê Majene yê eyaleta Sulawesiya Rojava ya Endonezyayê da mirin, derket 56an.

Serokê Navenda Zanyarî û Ragihandinê ya Ajansa Birêvabirina Afatê ya Neteweyî Raditya Jati di daxuyaniya da diyar kir ku ji bo pêwîstiyên operasyonel ji duh û pê va ji bo eyaleta Sulawesiyê, bajarê Majene û herêma Mamuju bi tevahî 4 milyar rupiah (250 hezar dolar) hat şandin.

Jati diyar kir ku li tevahiya herêmê ji 826 birîndaran, jê tedawiya 201ê li nexweşxaneyan didome, 47 jê li Mamuju û 9 jê jî li Majeneyê bi tevahî 56 kes di erdhejê da mirin.

Jati bal kişand ku li herêmê xebatên lêgerîn û xilaskirinê didomin.