Mbi 1 ton marijuhanë sekuestrohen në Turqinë juglindore

Forcat turke të sigurisë sekuestruan 1.016 kilogramë marijuhanë gjatë operacioneve kundër narko-terrorizmit në Turqinë juglindore, theksoi Ministria e Brendshme e Turqisë, transmeton Anadolu Agency (AA).

Forcat lokale të xhandarmërisë kryen operacionet Yıldırım-7 në zonat rurale të Lice, Diyarbakır.

Sipas njoftimit të ministrisë, rreth 45 kg të drogës së konfiskuar ishte skunk. Një sasi e madhe e artikujve ushqimorë dhe furnizime të tjera po ashtu u sekuestruan në dy strehimore të përdorura nga terroristët, thuhet më tej.

Autoritetet turke kanë konfiskuar dërgesat e narkotikëve në pronësi ose të operuara nga PKK-ja terroriste që nga vitet 1980, duke sekuestruar mbi 40 tonë marijuhanë vetëm në vitin 2019.

Goditja e vazhdueshme e Turqisë ndaj narkotikëve e ka ndihmuar atë të luftojë narko-terrorizmin, ose fitimet nga tregtia e paligjshme e drogës që financon grupe terroriste të tilla si PKK-ja.

Operacioni anti-terrorist Yıldırım-7, i nisur më 26 gusht me 1.495 personel sigurie, synon eliminimin e plotë të grupit terrorist separatist të PKK-së dhe neutralizimin e të gjithë terroristëve të fshehur në rajon.

Në fushatën e saj terroriste më shumë se 30-vjeçare kundër Turqisë, PKK-ja, e radhitur si një organizatë terroriste nga Turqia, SHBA-ja dhe BE-ja, ka qenë përgjegjëse për vdekjen e rreth 40 mijë njerëzve, përfshirë gra, fëmijë dhe foshnja.