Muhammed Boztepe
09 Shtator 2018•Përditësim: 10 Shtator 2018
ANKARA (AA) – Forcat e Armatosura të Turqisë (TSK) në një operacion ajror ndaj zonës rurale të qytetit Siirt, në juglindje të Turqisë dhe në rajonet Avashin-Basyan dhe Zap në veri të Irakut kanë neutralizuar 9 terroristë për të cilët është përcaktuar se ishin në përgatitje të sulmit ndaj bazave ushtarake turke, transmeton Anadolu Agency (AA).
Në një deklaratë nga Shtabi i Përgjithshëm i Turqisë thuhet se dje forcat turke kanë kryer një operacion ajror ndaj zonës rurale të qytetit Siirt në juglindje të Turqisë dhe rajoneve Avashin-Basyan dhe Zap në veri të Irakut.
Si rezultat i operacionit janë neutralizuar 9 terroristë të armatosur, për të cilët është zbuluar se ishin në përgatitje të sulmeve ndaj bazave ushtarake turke.
