Sefa Mutlu
21 maj 2022•Përditësim: 22 maj 2022
Presidenti i Turqisë, Recep Tayyip Erdoğan zhvilloi bisedë telefonike me presidentin e Finlandës, Sauli Niinistö, transmeton Anadolu Agency (AA).
Në një deklaratë nga Drejtoria e komunikimeve të Presidencës thuhet se në bisedë u diskutua për marrëdhëniet e dy vendeve dhe aplikimin e Finlandës për anëtarësim në NATO.
Presidenti Erdoğan në bisedë theksoi se një qasje që injoron organizatat terroriste që përbëjnë kërcënim në aspektin e një aleati brenda NATO-s, nuk mund të jetë i pajtueshëm me frymën e miqësisë dhe aleancës.
Erdoğan ka thënë se është e drejta më e natyrshme që të tregohet respekt ndaj luftës së vendosur dhe legjitime që Turqia ka ndërmarrë kundër një kërcënimi të hapur ndaj popullit të saj dhe sigurisë së saj kombëtare dhe që të pritet që ndaj kësaj lufte të ofrohet mbështetje.
