BAKU (AA) - Mes Anadolu Agency (AA) dhe agjencisë shtetërore të lajmeve të Azerbajxhanit (AzerTac) u arrit konsensusi për të bërë edhe më aktive faqen e internetit të Unionit të Agjencive të Lajmeve të Gjuhës Turke dhe në trajnimin e punonjësve të AzerTAc në AA, raporton Anadolu Agency (AA).
Zv. Drejtori i përgjithshëm i AA-së, Metin Mutanoğlu i ndodhur në Baku për të marrë pjesë në Forumin e 3-të të Dialogut Ndërkulturor, duke vizituar Qendrën e Përgjithshme të AzerTac ai u takua me Aslan Aslanov, drejtorin e përgjithshëm të AzerTac.
Mutanoğlu, duke cituar thëniet e ish-presidentit Hajdar Alijev "dy shtete, një komb" ai theksoi se institucioni vëlla në rajon ka një rëndësi të veçantë për AA-në. Ai ka njoftuar më tej se do të rrisin edhe më tej marrëdhëniet dhe bashkëpunimin me AzerTac dhe u shpreh se "AzerTac, në këtë rajon në fushën e saj është në një nivel shumë të mirë. Duam të përfitojmë nga përvojat e juaja".
Mutanoğlu, më tej ka shpjeguar zhvillimet e fundit dhe kontaktet e kryera me agjencitë botërore të AA-së dhe ka ftuar në Turqi Aslanov.
Ndërsa Aslanov ka pohuar se ka shumë shtete turqishtfolëse, por mes këtyre Turqia dhe Azerbajxhani janë më të afërtat me njeri- tjetrin dhe se janë dy vende vëllezër të një gjaku.
Aslanov i cili ka theksuar më tej se AA ka një histori rrënjësore dhe një përvojë të madhe në fushën e informacionit, lajmeve në tërësi, është një agjenci e hapur për botën, ndërsa AzerTac ka punuar me mundësi të kufizuara në periudhën e Bashkimit Sovjetik ai tha se "Përvoja dhe tradita në informacionin e lajmeve të AA-së për ne është në cilësinë e një shkolle".
Aslanov, i cili ka theksuar më tej se edhe ata në shumë çështje në fushën e informacionit të lajmeve janë në një nivel të mirë ai ka shprehur se "Nuk hezitoj ta shpreh këtë, përkundrazi ndjehem krenar. Ne kemi nevojë të bashkëpunojmë me AA-në, sepse AA disa të reja në botë i njeh më mirë se ne. Ne kemi nevojë gjithmonë që të mësojmë diçka nga ju".
Gjatë takimit u ra dakord për të bërë edhe më aktive faqen e internetit të Unionit të Agjencive të Lajmeve të Gjuhës Turke dhe në trajnimin e punonjësve të AzerTac në AA.
