Ylli argjentinas Di Maria largohet nga Juventusi

Fituesi i Kupës së Botës 2022, argjentinasi Angel Di Maria u largua sot nga Juventusi pas një periudhe njëvjeçare në klubin italian, transmeton Anadolu.

"Pas një sezoni tek bardhezinjtë, Angel Di Maria dhe Juventusi ndanë rrugët. Faleminderit për gjithçka, dhe çdo të mirë në të ardhmen, Fideo!", thuhet në deklaratën e Juventusit.

Di Maria, 35 vjeç, iu bashkua Juventusit në vitin 2022 pas një periudhe shtatëvjeçare në Paris Saint-Germain, ku fitoi pesë tituj.

Në sezonin 2022-2023, anësori argjentinas pati 40 paraqitje dhe shënoi 8 gola për Juventusin.

Di Maria gjithashtu luajti në ekipin e tij kombëtar, Argjentinën, kampione e Kupës së Botës 2022 në Katar. Ai shënoi në finale kundër Francës.

Ai ka luajtur edhe për klubin portugez Benfica, gjigantin spanjoll Real Madridin dhe atë anglez Manchester Unitedin përpara se të bashkohej me PSG-në.

Di Maria fitoi Ligën e Kampionëve me Real Madridin në vitin 2014.