Emre Aşıkçı
21 Shkurt 2021•Përditësim: 22 Shkurt 2021
Turqia u kualifikua në EuroBasket 2022 pasi Holanda triumfoi ndaj Kroacisë me rezultat 65-57 në kuadër të ndeshjeve kualifikuese, raporton Anadolu Agency (AA).
Yannick Franke ishte basketbollisti më i mirë i ekipit hollandez me 15 pikë, ndërsa Keye van der Vuurst de Vries shënoi 11 pikë në ndeshjen e Grupit D në Sallën Sportive "BJK Akatlar" të Stambollit.
Për ekipin humbës, Zeljko Sakiç prodhoi një double-double me 17 pikë dhe 10 kërcime, por loja e mirë e tij nuk ishte e mjaftueshme për të shmangur humbjen ndaj Holandës.
Më herët gjatë ditës, Turqia shënoi fitore me rezultat 88-80 ndaj Suedisë në një ndeshje tjetër në kuadër të Grupit D.
Kështu, nga Grupi D në EuroBasket 2022 u kualifikuan Kroacia, Holanda dhe Turqia.
GRUPI D:
| EKIPI | Ndeshje | Fitore | Humbje |
| 1. | Kroacia* | 5 | 4 | 1 |
| 2. | Holanda* | 5 | 3 | 2 |
| 3. | Turqia* | 5 | 2 | 3 |
| 4. | Suedia | 5 | 1 | 4 |
*Kualifikohen në FIBA EuroBasket 2022
