Shkëndija dënohet me 6 ndeshje pa publik

SHKUP (АА) - Klubi tetovar i futbollit Shkëndija është dënuar me gjashtë ndeshje në terren të saj pa publik, pas dënimit të vendosur nga Komisioni Disiplinor i Federatës së Futbollit të Maqedonisë (FFM), raporton Anadolu Agency (AA).

Ky dënim është shqiptuar si rezultat i incidentit të ndodhur në ndeshjen e kthimit të gjysëmfinales të Kupës së Maqedonisë në mes Shkëndijës dhe Vardarit, kur nga ndeshja u përjashtuan me kartuq të kuq kapitenët e dy skuadrave Ferhan Hasani dhe Boban Grançarov, pas së cilës një numër i vogël i tivozëve u futën në fushë.

Arbitri i ndeshjes Aleksandar Stavrev e ndërpreru ndeshjen dhe pak më vonë dha shenjë për rifillimin e saj. Ky dënim është dhënë si paralajmërim për klubin e Tetovës se ngjarje të tilla mund të shkaktojnë incidente me përmasa shumë më të mëdha.

Prandaj, ndeshja e kampionatit mes Shkëndijës dhe Vardarit do të luhet pa spektatorë, ashtu si të gjitha ndeshjet të cilat Shkëndija do t'i luaj deri në fund të kampionatit. Gjithashtu, dënimi do të vazhdojë edhe në ndeshjen e parë të kampionatit të ri.

Lidhur me këtë dënim Shkëndija ka të drejtë ankese.