Pesë futbollistë të Etiopisë me COVID-19

Pesë futbollistë etiopianë kanë rezultuar pozitivë ndaj koronavirusit të ri (COVID-19) zbuloi sot Federata e Futbollit të Etiopisë, transmeton Anadolu Agency (AA).

Federata testoi 36 nga 40 futbollistët e thirrur për të vendosur kampin në Addis Ababa për të grumbulluar skuadrën kombëtare të Etiopisë dhe në përgatitje për Kupën e Kombeve të Afrikës 2021 në Kamerun.

Nga 36 lojtarët e testuar, 5 u diagnostikuan me virus.

Federata nuk zbuloi emrat dhe informacione tjera mbi të infektuarit.

Brenda 72 orëve të ardhshme, thuhet më tej, të gjithë anëtarët e skuadrës kombëtare të futbollit, përfshirë trajnerët dhe stafin ndihmës do t'i nënshtrohen testimit për COVID-19.

Etiopia është anëtare themeluese e Konfederatës së Futbollit Afrikan.