NBA, Pelicans fitojnë Rockets-at
Asociacioni Kombëtar i Basketbollit (NBA) vazhdoi me 11 ndeshje të mërkurën mbrëma
Ankara
ANKARA (AA) – Anthony Davis dhe New Orleans Pelicans dominuan Houston Rockets, duke marrë fitoren e parë të sezonit me rezultat 131-112, raporton Anadolu Agency (AA).
Asociacioni Kombëtar i Basketbollit (NBA) vazhdoi me 11 ndeshje të mërkurën mbrëma.
Gjysmë-finalistët e sezonit të kaluar të konferencës perëndimore Pelicans filluan sezonin e tyre me një fitore si mysafir ndaj lojtarit më të vlefshëm të ligës (MVP) James Harden dhe Rockets.
Davis shënoi 32 pikë dhe rrëmbeu 16 kërcime dhe asistoi 8 herë për t'i dhënë skuadrës së tij fitoren. Nikola Mirotiç shënoi 30 pikë dhe rrëmbeu 10 kërcime, ndërsa Julius Randle shënoi 25 pikë nga stoli.
James Harden, Chris Paul dhe Carmelo Anthony kombinuan gjithsej 46 pikë për Rockets ndërsa Eric Gordon ishte shënuesi më i mirë i ekipit me 21 pikë.
Në një ndeshje të Konferencës Lindore, Toronto Raptors filluan sezonin e tyre me një fitore mbi Cavaliers Cleveland.
Superylli i Raptors-ve Kawhi Leonard shënoi 24 pikë dhe rrëmbeu 13 kërcime ndërsa Kyle Lowry shënoi 27 pikë dhe grumbulloi 8 asistime.
Këto janë rezultatet e ndeshjeve të së mërkurës:
Houston Rockets - New Orleans Pelicans: 131-112
Charlotte Hornets - Milwaukee Bucks: 112-113
Detroit Pistons - Brooklyn Nets: 103-100
Indiana Pacers - Memphis Grizzlies: 111-83
Orlando Magic - Miami Heat: 104-101
New York Knicks - Atlanta Hawks: 126-107
Toronto Raptors - Cleveland Cavaliers: 116-104
San Antonio Spurs - Minnesota Timberwolves: 112-108
Sacramento Kings - Utah Jazz: 117-123
Los Angeles Clippers - Denver Nuggets: 98-107
Phoenix Suns - Dallas Mavericks: 121-100