Muralet e Maradonës në Buenos Aires tërheqin vëmendjen

Tifozët e legjendës së futbollit botëror, Diego Armando Maradona shënuan dyvjetorin e vdekjes së tij në Buenos Aires, raporton Anadolu Agency (AA).

Një aktivitet përkujtimor është mbajtur në kryeqytetin e Argjentinës me rastin e dyvjetorit të ndarjes nga jeta të Maradonës. Vëmendjen e qytetarëve e tërhoqi piktura murale e Maradonës nga artisti Gustavo Rovira ndërsa shumë nga kalimtarët bënë foto. "Grande Diego" është komenti më i zakonshëm i kalimtarëve.

Maradona, i cili konsiderohet si një nga futbollistët më të mëdhenj të të gjitha kohërave, vdiq nga një atak në zemër në moshën 60-vjeçare më 25 nëntor 2020.

Ai përfundoi karrierën e tij aktive në futboll në vitin 1997. Ai luajti për klubet argjentinase Argentinos Juniors, Boca Juniors, Newell's Old Boys, klubet spanjolle Barcelona dhe Sevilla dhe klubin italian Napoli.

Maradona ishte një lojtar standard i Argjentinës, me të cilën fitoi Kupën e Botës në vitin 1986 në Meksikë. Ai shënoi 34 gola në 91 ndeshje për Argjentinën.