Lahm shpallet futbollisti i vitit në Gjermani

BERLIN (AA) - Philipp Lahm, lojtari i cili sezonin e kaluar i tha lamtumirë Bayernit të Mynihut është shpallur futbollist i vitit në Gjermani, raporton Anadolu Agency (AA).

Në anketën të cilën e realizoi gazeta “Kicker” kanë votuar 885 gazetarë sportiv. Ish-kapiteni i Bayernit të Mynihut dhe kombëtares së Gjermanisë fitoi 242 vota dhe në këtë mënyrë u shpall futbollist i vitit në vend.

Në vendin e dytë u radhit Toni Kroos, lojtari i Real Madridit, i cili fitoi 192 vota, ndërsa me 120 vota vendi i tretë i takoi Pierre-Emerick Aubameyang i cili luan për Borussia Dortmund.

Lahm për “Kicker” deklaroi se është i nderuar me çmimin duke u shprehur se beson që gazetarët kanë analizuar tërë karrierën e tij.

Philipp Lahm dhe bashkëlojtarët e tij nga “Elfa” fituan Kampionatin Botëror në Brazil në vitin 2014. Me Bayernin e Mynihut tetë herë ka fituar Bundesligën, gjashtë herë Kupën e Gjermanisë dhe një herë UEFA Ligën e Kampionëve.