La Liga, Real Madrid mposht Eibar me rezultat 3:1

Real Madrid dje si mysafire ka mposhtur Eibar me rezultat 3:1 në ndeshjen e La Ligës spanjolle, transmeton Anadolu Agency (AA).

Ylli francez i skuadrës mysafire Karim Benzema shënoi golin e parë në minutën e 9-të të ndeshjes në Stadiumin Ipurua.

Luka Modriç dyfishoi epërsinë në minutën e 13-të, ndërsa goli i tretë erdhi nga Lucas Vazquez në kohën shtesë.

Goli i vetëm i Eibar u shënua nga Kike Garcia në minutën e 28-të.

Me fitoren e fundit, Real Madrid i renditur në vendin e dytë rriti pikët e tyre në 29, ndërsa Eibar renditet i 14-ti me 15 pikë.

Të shtunën, Atletico Madrid, i cili është në krye të tabelës me 29 pikë në 12 ndeshje, mundi Elche me rezultat 3:1.

Barcelona barazoi me Valencia me rezultat 2:2, ndërsa Real Sociedad u mund nga Levante me rezultat 2:1.

Rezultatet e xhiros së 14-të:

Athletic Bilbao - Huesca 2:0

Atletico Madrid - Elche 3:1

Barcelona - Valencia 2:2

Levante - Real Sociedad 2:1

Osasuna - Villarreal 1:3

Sevilla - Real Valladolid 1:1

Celta Vigo - Alaves 2:0

Granada - Real Betis 2:0

Cadiz - Getafe 0:2

Eibar - Real Madrid 1:3