Donçiç sjell fitoren e Mavericks ndaj Nuggets në kohën shtesë

Superylli Luka Donçiç udhëhoqi Dallas Mavericks-in drejt fitores në kohën shtesë me rezultat prej 124-117 kundër Denver Nuggets në Ligën Amerikane të Basketbollit (NBA), raporton Anadolu Agency (AA).

Yllit slloven i mungoi vetëm një kërcim për një triple-double, duke përfunduar me 38 pikë dhe 13 asistime në Denver’s Ball Arena.

Qendra e Nuggets, Nikola Jokiç, shënoi 38 pikë dhe 11 kërcime.

Mavericks tani kanë katër fitore dhe katër humbje, ndërsa Denver ka fituar tre dhe ka humbur pesë ndeshje.

Osman bëri gjurmë për Cavs

Lojtari turk Cedi Osman shënoi pikë kruciale në fitoren e Cleveland Cavaliers ndaj Memphis Grizzlies.

Osman përfundoi me 16 pikë, shtatë asistime dhe pesë kërcime në fitoren e Cavaliers me rezultat prej 94-90.

Andre Drummond shënoi një double-double prej 22 pikëve dhe 15 kërcime për ekipin fitues, ndërsa Larry Nance Jr u paraqit me 18 pikë.

Për Grizzlies, qendra lituaneze Jonas Valanciunas shënoi 17 pikë dhe rrëmbeu 10 kërcime, së bashku me 14 pikë dhe nëntë kërcime për Brandon Clarke.

Rezultatet:

Brooklyn Nets - Philadelphia 76ers: 122-109

Memphis Grizzlies - Cleveland Cavaliers: 90-94

Portland Trail Blazers - Minnesota Timberëolves: 135-117

Denver Nuggets - Dallas Mavericks: 117-124 (Overtime)

Los Angeles Lakers - San Antonio Spurs: 109-118