Tuba Onğun
21 Janar 2022•Përditësim: 22 Janar 2022
Gjithsej 109.695 kompanish të reja u hapën në Turqi në vitin 2021, njoftoi sot organi kryesor tregtar i vendit, transmeton Anadolu Agency (AA).
Shifra u rrit 8.5 për qind krahasuar me vitin 2020, thuhet në raportin e Unionit të Dhomave të Tregtisë dhe Bursave të Turqisë (TOBB).
Sipas TOBB, 16.222 kompani dolën jashtë biznesit vitin e kaluar, duke shënuar një rritje prej 5.6 për qind në bazë vjetore në 2020.
Në vitin 2021 u hapën gjithsej 13.445 kompani të reja me partneritet të huaj ose të financuara nga jashtë.
- Shifrat mujore
Në dhjetor 2021, 9.774 kompani filluan të bëjnë biznes në Turqi, me 15.3 për qind më shumë në bazë vjetore.
Numri i kompanive që dolën jashtë biznesit në dhjetor 2021 u rrit me 20 për qind në bazë vjetore në 3.803.
Sipas raportit të TOBB-it, muajin e kaluar janë themeluar 1.186 kompani me kapital jashtë shtetit.
