WASHINGTON (AA) - Presidenti i SHBA-ve Donald Trump të martën sulmoi Kinën për imponimin e tarifave për mallrat amerikane, duke pretenduar se Pekini po përpiqet të ndikojë në zgjedhjet e Kongresit në nëntor, transmeton Anadolu Agency (AA).

"Kina hapur është deklaruar se ata janë duke u përpjekur në mënyrë aktive për të ndikuar dhe për të ndryshuar zgjedhjet tona duke sulmuar fermerët tanë dhe punëtorët industrialë për shkak të besnikërisë së tyre ndaj meje”, shkroi Trump në Twitter.

Washingtoni të hënën bëri të ditur se do të fillojë vendosjen e tarifave prej 10 për qind për produktet kineze me vlerë 200 miliardë dollarë duke filluar nga java e ardhshme, më pas duke shtuar se norma e tarifave do të rritet në 25 për qind më 1 janar.

Pekini shpejtë u hakmorr duke njoftuar se do të zbatojë tarifat 5-10 për qind në 60 miliardë dollarë amerikanë, të cilat gjithashtu do të hyjnë në fuqi javën e ardhshme.

Kina tha se ka dorëzuar një ankesë në Organizatën Botërore të Tregtisë (OBT) kundër SHBA-ve. Pekini do të kërkojë leje nga OBT-ja për të imponuar sanksione shtesë kundër SHBA-ve të premten.