Putin: Rusia ka dalë nga kriza ekonomike

MOSKË (AA) - Presidenti rus Vladimir Putin tha se vendi i tij ka dalë nga kriza ekonomike, raporton Anadolu Agency (AA).

Putin të hënën, pas seancës me ministrat e qeverisë ruse, ka deklaruar se Rusia ka dalur nga kriza ekonomike.

"Rusia ka dalë nga kriza dhe tani shënon përparim. Në këto rrethana, duhet të bëjmë gjithçka që është e nevojshme për të ruajtur dinamikën e tanishme", tha udhëheqësi rus.

Ai shtoi se rritja ekonomike gradualisht ka dhënë rezultate.

Putin theksoi se qytetarët rusë do të përjetojnë gjithnjë e më shumë rezultatet pozitive nga ekonomia ruse në jetën e përditshme.