Bie ndjeshëm suficiti tregtar i Gjermanisë

Suficiti tregtar i Gjermanisë në prill ra ndjeshëm në 1.3 miliardë euro (1.4 miliardë dollarë), më i ulëti që nga viti 1992, pasi importet e vendit u rritën me 25.2 për qind nga viti në vit në 120.9 miliardë euro, treguan sot shifrat zyrtare, transmeton Anadolu Agency (AA).

Eksportet u rritën me 9.2 për qind në 122.2 miliardë euro në prill krahasuar me të njëjtin muaj të vitit të kaluar, sipas Zyrës Federale të Statistikave (Destatis).

Në prill 2021, suficiti tregtar ishte 15.3 miliardë euro.

Në bazë nominale, Gjermania eksportoi mallra në vlerën 0.8 miliardë euro në Rusi në prill 2022.

Shitjet në Rusi ranë me 10 për qind në prill, pasi një rënie me 60 për qind në mars për shkak të sanksioneve të vendosura ndaj Moskës.

Shumica e dërgesave shkuan në SHBA (7.7 për qind) dhe BE (4.2 për qind). Importet nga Kina u rritën me 12.3 për qind dhe ato nga Eurozona 2.4 për qind. Blerjet nga SHBA-ja ranë me 1.2 për qind.

Rusia u rendit e 30-ta ndër vendet kryesore si destinacion për eksportet gjermane në prill 2022.